M3 Italian (已結業)

今日同屋企人食冬至飯唔少人都諗起食冬至飯都係食啲中式嘅菜式，但係我哋今年就決定一家人去食西式嘅冬至大餐，所以我哋就揀咗呢一間係大圍嘅m3 Italian👍🏻👍🏻見到好多人介紹性價比好高，而且環境幾好，所以就帶埋屋企人過嚟試吓叫咗一個傳統西班牙燒乳豬，呢隻燒乳豬非常慶節，同埋燒得啱啱好，豬皮脆卜卜，乳豬肉好林同埋好滑！仲有黑松露野菌燴意大利飯配法國煎鵝肝，呢個意大利飯好香，成個意大利飯都充斥着黑松露嘅香味，上面嘅法式煎鵝肝亦都係冇得輸！好厚嘅鵝肝，而且入口嘅時候就已經聞到好香嘅鵝肝油脂味道！黑松露野菌芝士薄餅，呢一個薄餅嘅餅底好薄，而且仲要係好脆，所以一啲都唔會好Heavy嘅感覺！加埋甘香嘅黑松露味道，簡直係非常高級嘅享受！叫多咗一個牛肉他他，呢個牛肉他他好香，加埋呢個多士一齊食，口感同埋味道亦都好特別！