影片
更多
2017-12-17
3402 浏览
上個星期我同幾個朋友睇完戲之後 大家都覺得肚餓 而且又想一齊圍著傾下計 於是就打算搵個地方食宵夜 😋😋 由於天氣偏凍既關係 我地經過旺角既靚煲王 見到唔少人喺度打邊爐 就決定入去食個暖笠笠既宵夜 😍😍我地入到去 咁岩坐喺正中央 點菜、各樣都非常方便 我地見到有各式各樣既小食 例如椒鹽雞軟骨、金沙秋葵、野山椒泡鳳爪、 黃金脆豆腐等等 我地每人都點左幾道小菜 仲有重頭戲羊腩煲 😋🐏🍲手拍青瓜 🥒首先上左一道味道清新 口感爽脆既手拍青瓜 相信呢道菜幾受大眾歡迎 可以先開一開胃口 不但口感十足 味道香甜 又唔會好濟 👍🏼懷舊南乳雞 🍖🐥呢道南乳雞望落好似平時食開既炸雞 外皮酥脆 表面烤至金黃色 上面仲灑上花生碎🥜 雞肉肉質鮮嫩 口感細滑 南乳風味十足 帶有少許咸香味 我地都食唔停口 😆泰式墨魚餅 🐙墨魚餅係我當晚最愛既小食！佢既外表睇落似一塊塊既炸雞排 又有啲似麥樂雞 😂 因為係煎炸類小食 我一開始唔打算食太多 但最後竟然食左三、四塊 😍 泰式墨魚餅當然唔少得泰式辣醬 😋 我個人都好中意食炸雞既時候 點大量辣醬～呢個墨魚餅外皮香脆 但入面既墨魚肉非常煙韌 咬落十分彈牙 我超級中意佢既口感 好似
上個星期我同幾個朋友睇完戲之後 大家都覺得肚餓 而且又想一齊圍著傾下計 於是就打算搵個地方食宵夜 😋😋 由於天氣偏凍既關係 我地經過旺角既靚煲王 見到唔少人喺度打邊爐 就決定入去食個暖笠笠既宵夜 😍😍
我地入到去 咁岩坐喺正中央 點菜、各樣都非常方便 我地見到有各式各樣既小食 例如椒鹽雞軟骨、金沙秋葵、野山椒泡鳳爪、 黃金脆豆腐等等 我地每人都點左幾道小菜 仲有重頭戲羊腩煲 😋🐏🍲
手拍青瓜 🥒
首先上左一道味道清新 口感爽脆既手拍青瓜 相信呢道菜幾受大眾歡迎 可以先開一開胃口 不但口感十足 味道香甜 又唔會好濟 👍🏼
懷舊南乳雞 🍖🐥
呢道南乳雞望落好似平時食開既炸雞 外皮酥脆 表面烤至金黃色 上面仲灑上花生碎🥜 雞肉肉質鮮嫩 口感細滑 南乳風味十足 帶有少許咸香味 我地都食唔停口 😆
泰式墨魚餅 🐙
墨魚餅係我當晚最愛既小食！佢既外表睇落似一塊塊既炸雞排 又有啲似麥樂雞 😂 因為係煎炸類小食 我一開始唔打算食太多 但最後竟然食左三、四塊 😍 泰式墨魚餅當然唔少得泰式辣醬 😋 我個人都好中意食炸雞既時候 點大量辣醬～
呢個墨魚餅外皮香脆 但入面既墨魚肉非常煙韌 咬落十分彈牙 我超級中意佢既口感 好似食緊好香口既
雙冬羊腩煲 🐏🍲
期待已久既羊腩煲終於登場！未打開蓋已經聞到陣陣幽香 令我地流曬口水🤤🤤羊腩既香味四溢 入面除左有份量十足既羊腩之外 仲有入味既腐竹、馬蒂、紅蘿蔔🥕等等既食材
事不宜遲 立即試下羊腩既味道 😍 羊腩肉質鮮嫩 羊皮爽口彈牙 咬起上黎韌韌地 口感十足～ 羊肉比我想像中好味 唔羶之餘反而帶點香味 怕羶既人應該都會覺得比較容易入口 甚至食過翻尋味 🤪 我為美味既羊肉黎一個close-up 😋😋
新鮮牛胸爽
第一次食牛胸爽 正確啲黎講 係第一次聽到呢個名 同埋見到呢樣野 一開始見到好多白色邊 以為係肥脂 所以唔諗住食 😂 但朋友食完後 不斷大讚好味 仲話唔係肥膏！😱 咁我就即刻一試真偽 果然唔係脂肪 而係類似筋肉 食落非常之爽口 我愛上左呢種口感 😍
再加上自己調配既醬油 味道一流！推薦大家一定要試下 👍🏼
黑牛柏葉
牛柏葉食得多喇 黑色既又真係第一次見～ 口感比食開既牛柏葉硬 我個人唔太好呢個過份彈牙既口感 但其他朋友反而覺得唔錯 佢地好中意呢種超彈牙既質感 果然各花入各眼 🤣
香芋素菜餃
呢個素菜餃不但照顧到素食者既口味 仲可以幫助大家清一清口腔中既油膩感～ 有啲人可能會怕素菜餃好寡 大廚有見及此 加入左香芋調味 令到素菜餃更香口 同時有多種層次既口感～ 香芋好粉好滑 素菜餃好爽脆 呢個配搭既新穎 味道亦都唔錯 ☺️
皇帝菜 & 茼蒿最後打邊爐一定唔少得蔬菜 清下腸胃之餘 亦都令火鍋湯汁更清新 而且食完蔬菜幫助消化之後 又有胃口鯨吞鍋物 😈😈 食完茼蒿仲可以暖胃 冬天食就至岩 😋
我同朋友都渡過左愉快既晚上～餐廳除左美食之外 服務態度亦都好親切～店員好有耐性地為我地服務 我同朋友都覺得好滿意～☺️
张贴
