紅伶飯店

营业中

休息中

天氣日漸寒冷，係時候食翻個羊腩煲補下暖下胃🤤唔想係街食但唔想用咁多時間煮？紅伶飯店近日推出左呢個羊腩煲外賣-只要係屋企按指示將湯包同材料包加熱，咁就可以安坐家中同時感受到係街食羊腩煲嘅滋味～羊腩大大舊，而且舊舊都又稔又入味😋煲內仲有枝竹同馬蹄，入味得來帶有口感。湯汁份量同味道都恰到好處，保證係屋企都食翻舖頭嘅原汁原味。另外佢地仲有正宗潮州風味，自家製嘅辣椒油同古法鹹酸菜😍😍😍個辣椒油攞想食雲吞麵簡直無得頂，而鹹酸菜就咁食都已經好正，仲可以用來整翻煲而家大熱嘅酸菜魚🐟🐟🐟想齋買辣椒油同鹹酸菜？無問題，去到屯門嘅職人食材就可以買齊架啦～