新麻蒲 BBQ (東港城) (已結業)

今次同黑妹來，食下D補品先，不想下下都烤咁多肉，叫了個人參海鮮鍋，我今次真怕爆瘡，沒叫辛辣味，只叫了原汁鮮甜味，因為好想飲下原汁原味的人參湯啊! 先吃下前菜開開胃，每次來前菜都很好吃，泡菜，籮蔔，豆芽，海帶，酸酸的開胃又健康，韓國人餐前的前菜，真係日日食都唔厭。人參海鮮窩熱辣辣來了，好香，我地先飲下個湯，很有人參的甘甜，湯好鮮，湯底一定是用雞㷛的，好飲，飲了幾碗，待應細心在桌上放了湯壺，方便我地隨時加湯打邊爐，好讚!D食材好新鮮，藍青口，扇貝，花甲全都鮮甜，重有隻蟹肉多，好鮮，蝦也鮮又大隻，海鮮水準好好，另外D蔬菜如黃芽白和菇，吸收了海鮮湯汁，真係精華所左，好鮮甜呀! 因為好想吃牛肉，少少地叫了一客霜降牛，因為唔想浪費咗D靚湯，霜降牛好食到暈低咗，太正。