影片
更多
2018-02-03
313 浏览
上水區唔係好多放題店，見到有新開嚟試試先選擇唔算好多，仲好，唔怕眼闊肚窄，叫得少又遺憾試唔晒，叫得多又做大晒鬼同一個地點上一手都係做放題，但今次再開嘅集團都投資新裝修，地方算闊，亦有長長梳化位，方便多人一齊食。飲品自取，汽水檸茶烏龍茶都有。刺身上得快冇漏，真係叫幾多片嚟幾多，最正係赤蝦，大隻又爽甜，油甘魚都好肥美，其他魚生都OK由於凍冰冰，平時放題一定唔會叫嘅飯都會叫。壽司味道尚可，但壽司飯煮得過熟，醋味偏淡，但面頭嘅魚生，沙律醬同燒烤味都配搭得好好。火鍋亦係要留個位置嘅，每人送新鮮海鮮拼盆有誠意，其他任食火鍋料都唔輸蝕，肥牛大大塊滿有牛味，魷魚鬚仲係新鮮果隻，青口都大大隻任食熟食方面重點講蠔，有兩款：蒜香焗 配搭超勁辣椒，食落口真係嘩一聲，不過奉勸唔食得辣嘅朋友試第二款黃金汁 係甜甜地嘅沙律醬味，配合大小適中嘅蠔肉，有鮮味又有香味，哩個真心讚最後雪糕方面一人一份，雖然哈根大師感覺高尚點，但見到有甜筒，仲要係香芋味就好心動，希望餐廳可以開放雪糕quota,下次唔駛煩惱食邊款啦～服務態度幾好，店員收碟換碟嘅頻率高。上菜速度算快，所以建議可以點少少食住先，之後再點，咁就唔怕張枱冇位同食物凍
選擇唔算好多，仲好，唔怕眼闊肚窄，叫得少又遺憾試唔晒，叫得多又做大晒鬼
同一個地點上一手都係做放題，但今次再開嘅集團都投資新裝修，地方算闊，亦有長長梳化位，方便多人一齊食。
飲品自取，汽水檸茶烏龍茶都有。
刺身上得快冇漏，真係叫幾多片嚟幾多，最正係赤蝦，大隻又爽甜，油甘魚都好肥美，其他魚生都OK
由於凍冰冰，平時放題一定唔會叫嘅飯都會叫。壽司味道尚可，但壽司飯煮得過熟，醋味偏淡，但面頭嘅魚生，沙律醬同燒烤味都配搭得好好。
火鍋亦係要留個位置嘅，每人送新鮮海鮮拼盆有誠意，其他任食火鍋料都唔輸蝕，肥牛大大塊滿有牛味，魷魚鬚仲係新鮮果隻，青口都大大隻任食
熟食方面重點講蠔，有兩款：蒜香焗 配搭超勁辣椒，食落口真係嘩一聲，不過奉勸唔食得辣嘅朋友試第二款
黃金汁 係甜甜地嘅沙律醬味，配合大小適中嘅蠔肉，有鮮味又有香味，哩個真心讚
最後雪糕方面一人一份，雖然哈根大師感覺高尚點，但見到有甜筒，仲要係香芋味就好心動，希望餐廳可以開放雪糕quota,下次唔駛煩惱食邊款啦～服務態度幾好，店員收碟換碟嘅頻率高。上菜速度算快，所以建議可以點少少食住先，之後再點，咁就唔怕張枱冇位同食物凍晒。
张贴
