更多
2018-03-29
253 浏览
话说最近我嘅上司要调去另一个部门,向来好客又大方嘅佢决定系离开前请成team同事食饭,最后佢拣左去湾仔好多餐厅聚集嘅QRE Plaza开餐我地一行八人上星期五就浩浩荡荡出发,有去过QRE食饭嘅朋友应该都知中午排队搭lift要排超级耐,因为实在太多人尤其系星期五,我谂等左15分钟先上到26楼嘅MISU,餐厅嘅环境好宽敞舒适,一开lift门已经见到好大个鱼缸养住新鲜嘅海产。我地获安排坐去独立房间,宁静嘅空间好方便倾计,亦清晰望到外面嘅风景我上司实在太了解我班同事系几大食,所以我地除左每人一个set lunch外,佢预先已经叫餐厅准备左一只「北海道鳕场蟹」去整三食,我咁大个女都系第一次食咋,餐厅老板仲专登攞只蟹入嚟俾我地拎住影相一开始系食完set lunch先到鳕场蟹三食,餐厅老板会仔细介绍每道菜式,亦会间唔中入嚟睇下有冇嘢要帮手,服务同笑容😊都一流第一样试到系罗宋汤,味道好清新而且有多款蔬菜一齐煲,饮完酸酸地令人好开胃跟住就到沙律🥗、前菜同小食,三款食物各有特式:三文鱼沙律好有田园气息,另外前菜有两片鲜甜嘅八爪鱼🐙及三文鱼刺身,小食就系汁煮牛舌配青瓜,酱汁味道适中而且牛舌粒肉质好软熟食完头
我地一行八人上星期五就浩浩荡荡出发,有去过QRE食饭嘅朋友应该都知中午排队搭lift要排超级耐,因为实在太多人尤其系星期五,我谂等左15分钟先上到26楼嘅MISU,餐厅嘅环境好宽敞舒适,一开lift门已经见到好大个鱼缸养住新鲜嘅海产。我地获安排坐去独立房间,宁静嘅空间好方便倾计,亦清晰望到外面嘅风景
我上司实在太了解我班同事系几大食,所以我地除左每人一个set lunch外,佢预先已经叫餐厅准备左一只「北海道鳕场蟹」去整三食,我咁大个女都系第一次食咋,餐厅老板仲专登攞只蟹入嚟俾我地拎住影相
32 浏览
0 赞好
0 留言
一开始系食完set lunch先到鳕场蟹三食,餐厅老板会仔细介绍每道菜式,亦会间唔中入嚟睇下有冇嘢要帮手,服务同笑容😊都一流
第一样试到系罗宋汤,味道好清新而且有多款蔬菜一齐煲,饮完酸酸地令人好开胃
16 浏览
0 赞好
0 留言
跟住就到沙律🥗、前菜同小食,三款食物各有特式:三文鱼沙律好有田园气息,另外前菜有两片鲜甜嘅八爪鱼🐙及三文鱼刺身,小食就系汁煮牛舌配青瓜,酱汁味道适中而且牛舌粒肉质好软熟
15 浏览
0 赞好
0 留言
食完头盘,就到我拣嘅主菜「季节刺身寿司盛盒🍣」,包括五款刺身同寿司,我听个名已经流晒口水,上枱时真系令人眼前一亮,所有刺身同寿司嘅摆放简直变成左一幅画,全个构图好雅致吸引,完全满足晒色香味嘅要求
19 浏览
0 赞好
0 留言
鱼生非常新鲜,有吞拿鱼、带子、三文鱼等等,每一款刺身都充满鱼香,每食一啖都好似置身日本筑地市场,鱼生鲜美嘅程度好比寿司师傅系我地隔离即㓥即食。除左寿司同刺身,呢个盛盒仲配上一碗海胆饭,海胆份量唔少,入口即融,令整个盛盒更添分数
我同事就叫左另一个主菜「蓝鯺吞拿香葱拖罗丼」,吞拿鱼铺满饭面,鲜味十足,同样获得一致好评
17 浏览
0 赞好
0 留言
接住落嚟就到主角「北海道鳕场蟹」出场,冬季系品尝日本蟹嘅好时节,今次仲难得可以一次过试到三种食法,真系要俾个like我上司
打头阵嘅系「蒸鳕场蟹脚」,呢种煮法最能够保存蟹嘅鲜味,肉质食落去好有口感,而且蟹汁渗满口腔,将蟹脚嘅美味推向极致
37 浏览
0 赞好
0 留言
下一种食法系「䲞鱼汤蟹身野菜火锅」🍲,材料当然唔少得鳕场蟹蟹身,另外仲有冬菇、金菇、菜等等,食得好健康,净系个汤底都充满烧䲞鱼加蟹肉嘅鲜味,蟹肉更加有一丝丝嘅口感
16 浏览
0 赞好
0 留言
19 浏览
0 赞好
0 留言
第三食就到「蟹膏泡饭」,厨师将成个蟹盖放落去同饭一齐煮,所有蟹膏都融化晒,每食一啖泡饭就等于食蟹膏,但冇肥腻嘅感觉,令人食指大动
27 浏览
0 赞好
0 留言
原本谂住饮埋杯餐茶已经好圆满,但餐厅老板仲专登送左碟甜品俾我地试,佢介绍系木槺布甸,但食落完全系硬身雪糕嘅质地,好滑而且甜度适中,好特别好惊喜
16 浏览
0 赞好
0 留言
今次呢餐饭食物质素系超水准,而且餐厅员工嘅服务态度好好,笑容满面,我地成班同事都觉得大满足,好多谢我上司嘅悉心安排,临走时餐厅老板仲俾左张九折优惠券我地,迟下一定要再嚟帮衬
张贴