渝味曉宇重慶老火鍋 (QRE Plaza) (已結業)

今日同一班老友記敘舊，咁敘舊當然要去食餐好嘅，朋友介紹呢一間火鍋係拎個舌尖上的中國美譽，最出色尤其是係個麻辣湯底，成班fd都未食過所以決定去試一次。一坐低即刻點左個鴛鴦湯底，山珍菌湯同埋麻辣湯，辣度適中啱啱好，就算平時唔食得辣嘅人都可以一試，佢哋仲好貼身咁每人送一碗雪耳糖水話係用嚟解辣同解膩。至於個清湯底味道夠濃，而且有好多配料係裡面，啱晒貪小便宜嘅我哋。先試佢哋最出名嘅牛肉，賣相望落夠新鮮一啲唔似放咗落冰櫃好耐，口感唔韌，夠軟熟，比出面好多火鍋店好食得多。試埋個黑毛肚同黃喉，厚度適中，浸埋落啲麻辣湯到入晒味，夠晒爽口。點左個廚師推介嘅桂花蚌，因為本身佢好快會熟，千奇唔好淥咁耐，但menu上會好好提醒埋要淥幾耐，跟住個時間淥，就會食到佢嘅鮮味&夠爽脆！整體：環境、衛生一流，食物夠新鮮，侍應好招呼，半份既份量真係唔多，成班男仔去食可能要嗌一份一份咁😜同場加映：本身我哋約咗喺灣仔食，但係我都擺烏龍上左去銅鑼灣果一間，果個場都好多人，好旺。