巴依餐廳

記得以前係大陸新疆菜館食過羊肉手抓飯，念念不忘，搵下香港有無，得寥寥可數個幾間，咁岩出開港島就過黎試下😁

食既時候係夏天，但都忍唔著叫個羊肉湯試下，好彩有嗌！真係好暖身好正！冬天一定要黎再飲！

羊肉串大大串，咬落好香好夠味，好食！

手抓飯不過不失，記憶中係大陸食既比較濕潤，呢到較乾身。羊肉份量唔多，下次會叫烤羊排試下。

大盤雞無乜特別，我prefer食辣子雞或雞煲多啲😂😂

身為新界人出到西環真係有啲遠，而且價錢唔平架！不過係一定會encall之選😊

手抓飯

羊肉串

大盆雞

羊肉湯