湯加 (天晉匯)

营业中

休息中

將軍澳食飯一向唔平，商場入面大多數係連鎖店。如果話馬鞍山係美食沙漠既榜首，將軍澳起碼都係三甲之內。不過近排有好多新樓落成，唔少食肆都係新商場插旗，呢間「湯加」都係連鎖店，佢集團既另一間店「魚米」就係主打魚湯底，而「湯加」則主打湯飯。冬天咁凍就緊係食啲火熱火熱既野暖下身。有得自選配白飯紅米飯或米粉麵線，或者加錢轉薄餅烏冬。但話明湯飯就緊係食飯啦。胡椒豬肚咸菜湯飯食完好暖，豬肚數量都ok，但咸菜更多，另外有少少木耳芹菜。紅酒燴牛尾湯飯牛尾好淋身，個汁有牛尾既膠質，彈性彈性。不過牛尾會出油，如果怕油膩就要諗諗了。白飯可以免費追加，唔怕唔夠飽啦。