甜入心 (好運中心) (已結業)

今日工作經過沙田， 食完午飯之後 ，覺得天氣乾乾燥燥，想食啲嘢滋潤一下。路經呢間甜入心，見到門口裝修粉紅色感覺好溫暖，立即吸引了我入內。平日下午唔算多人， 入去即刻有位坐，一個人仲可以慢慢食。環境非常舒適餐牌我個人好貪心，一眼已經睇中冬天滋潤既椰皇燉奶， 另一邊又想食再補身啲嘅 榴槤班戟，就一於叫曬兩個啦~桃寶燕窩椰皇燉奶 (熱) $59 - 用料相當充足，滿滿的鋪滿曬成個椰皇面， 一上枱時熱辣辣， 一啖入口 ，鮮奶非常嫩滑，加上燕窩一啖暖入心，又滋潤又養顏，冬天滋潤甜品非佢莫屬! 100% 榴槤pancake $42 -真係100%榴槤肉放入個pancake, 冇溝任何其他嘢。啖啖榴槤肉，對我呢個榴槤控非常滿足。 榴槤屬正野，香氣撲鼻，入口香甜，今次真係夠晒補~ 最後仲有免費英式茶比你飲，淡淡地清清口都幾好~下次要黎試下新餐牌，紫薯系列望落都相當唔錯~