一鍋堂 (XX Arcade)

营业中

休息中

今日天时冻，所以决定同屋企人去食返个打边炉。最后黎左一锅堂食放题。我地叫左C餐，汤底拣左推荐嘅冬阴功汤。呢个汤底真系非常惹味！酸酸地有带啲辣，超级开胃，同埋佢仲有少少嘅香茅味，成个汤底都非常泰式👍🏻食落开胃得黎又唔会济。餐厅整体环境都非常干净，staff都好好人成日过黎帮手。而熟食区都有好多唔同嘅食物选择，我就夹左佢地嘅炸牛奶卷同炸馒头，全部都酥酥脆脆同埋好香，加埋啲炼奶就更加美味。见到佢仲有麻辣鸭血，凤爪𠮶啲可以食，好多唔同选择。C餐有得食佢嘅安格斯牛肉，牛肉好嫩同埋牛味好浓郁，油脂分布都好均匀👍🏻蔬菜都几新鲜，仲有好多唔同种类。佢地自家制嘅饮品都好好饮，唔会过甜，味道刚刚好，一路打边炉一路饮都几消济👍🏻今次食左佢地雪糕柜入面嘅gelato，柚子乳酪味好清爽解腻。香芋味就好香浓，食完仲想再食！