更多
2015-07-25
1768 浏览
「添好运」算系香港点心界近年相当知名嘅一间，更获「米芝莲」评为一星级食肆，可惜咁多年都未曾去过，今次衬得闲终于约埋朋友一齐去较新嘅奥海城分店试下到底乜料子！虽然之前日日经过旺角分店，不过因为铺头太细每次都放弃去食，今次细铺搬大铺去咗奥海城终于的起心肝去试。奥海城装修又新又靓，相比之前旧铺真系华丽十倍，除咗台凳新束束，而且台同台之间都有一定距离，坐得几舒服。睇起嚟嘅冠冕堂皇下，仍旧保持著平民风格，就系一众待应都Keep著大众食堂时期嘅服务心──「唔会点理你」，你有你举手，我有我同同事继续嬉笑怒骂。基本上举手10次，大概有人理嘅次数只有4次。酥皮焗叉烧包 $19先嚟个铺头推介嘅「酥皮焗叉烧包」，同平时食嘅面包皮包嘅叉烧包口感好唔同，因为用面包皮虽然会令包皮吸收到叉烧香味，但蒸太耐亦会令叉烧味道流失。反而用酥皮焗就可以保持叉烧肉汁鲜嫩。而且松化酥皮配上肉感叉烧，一啖两种口感Mix埋真系正！凤爪排骨饭 $27饮茶必食之一嘅凤爪排骨饭，只用不锈钢而非瓦盅属意料中事，因为即叫即蒸关系，所以饭身相对较硬，而且米香一般，排骨肉汁仲未可以流落饭到，只感受到些少油香。不过要赞下只凤爪，因为唔系长时间蒸著，
虽然之前日日经过旺角分店，不过因为铺头太细每次都放弃去食，今次细铺搬大铺去咗奥海城终于的起心肝去试。奥海城装修又新又靓，相比之前旧铺真系华丽十倍，除咗台凳新束束，而且台同台之间都有一定距离，坐得几舒服。睇起嚟嘅冠冕堂皇下，仍旧保持著平民风格，就系一众待应都Keep著大众食堂时期嘅服务心──「唔会点理你」，你有你举手，我有我同同事继续嬉笑怒骂。基本上举手10次，大概有人理嘅次数只有4次。
酥皮焗叉烧包
$19
68 浏览
0 赞好
0 留言
先嚟个铺头推介嘅「酥皮焗叉烧包」，同平时食嘅面包皮包嘅叉烧包口感好唔同，因为用面包皮虽然会令包皮吸收到叉烧香味，但蒸太耐亦会令叉烧味道流失。反而用酥皮焗就可以保持叉烧肉汁鲜嫩。而且松化酥皮配上肉感叉烧，一啖两种口感Mix埋真系正！
凤爪排骨饭
$27
70 浏览
0 赞好
0 留言
饮茶必食之一嘅凤爪排骨饭，只用不锈钢而非瓦盅属意料中事，因为即叫即蒸关系，所以饭身相对较硬，而且米香一般，排骨肉汁仲未可以流落饭到，只感受到些少油香。不过要赞下只凤爪，因为唔系长时间蒸著，除个个样「靓仔」之外，骨肉分明唔似出面档会一Pat屎咁，味道仲几好！
古法糯米鸡
$28
80 浏览
1 赞好
0 留言
另一铺头推介之一，份量几大只，而且入面馅料几多，就算系一个大男人食都绝对会满足。加上鸡件、花生等等都算几新鲜，唔似其他铺头咁会觉得「霉」。
韭王鲜虾肠
$26
40 浏览
0 赞好
0 留言
今餐最失望嘅一样点心，首先，说好的韭王呢？我一啲都见唔到，亦食唔到。其次肠粉皮滑度只属一般，而且都一啲都唔算薄。米香？Sorry, I can't taste it. 最后虾份量偏少，一条只有3只，而且虽然唔「霉」，但绝对唔系最佳鲜度。
香滑马拉糕
$15
49 浏览
0 赞好
0 留言
虽然我平时唔太钟意蒸包、糕点，但都觉得意外好食，几有蛋香但又唔会太过，仲香滑唔嚡口，揿落去仲有回弹力！
鲜虾烧卖皇
$26
32 浏览
0 赞好
0 留言
几好食但同肠粉一样，虾嘅鲜量未令我满足。不过虾量方面远胜肠粉，至少我啖啖虾。值得一赞嘅系面头上嘅杞子，虽然蒸完一定唔「靓仔」，但少许清新感令成只烧卖平衡感唔错！
赛螃蟹春卷
$24
67 浏览
1 赞好
0 留言
连我平时唔食春卷嘅都要大赞一下，外面炸到金黄香脆，仲要唔油腻，入面嘅赛螃蟹仲系保持香软白滑，真心推荐！
煎腊味萝卜榚
$15
37 浏览
0 赞好
0 留言
用上块状嘅萝卜，唔会太粉、太油，而且食得到萝卜嘅香甜味，算系中上水准。
陈皮牛肉球
$17
38 浏览
0 赞好
0 留言
大粒、鲜嫩，最可惜嘅系「陈皮」，用咗唔靓嘅陈皮搞到有苦味，而且几重，牛味几乎完全被盖过。
鲜虾菜苖饺
$25
56 浏览
0 赞好
0 留言
用上菜心苖味道鲜嫩，其实本身几住家Feel，不过相对虾肉，其实口感味道更似猪肉......另外食食下有几强烈嘅胡椒辣味，奇怪感超绝UP！！！
虽然好多人都话待应服务差乜乜乜，的确亲身感受系「无乜服务」，但相对大酒楼$1x茶介，添好运收$3的确系好平。而且食物水准亦算高，又几好坐（P.S.呢餐我坐咗4个钟系到玩手机），整体嚟讲算系无得输。
张贴
