大瀛喜日本料理 (已結業)

💡 再encore 高性價比的日式放題食放題最緊要就係叫幾多黎幾多，同埋上菜上得快，依間日式放題就唔會令你失望。除咗食物質素有保證，選擇多，特別一讚店員上菜同收碟嘅速度都非常快，令小編忍唔住再encore！🍽️刺身刺身既款式多，除咗一般會有嘅三文魚、吞拿魚、油甘魚等。特別推介帶子同大赤蝦，帶子唔係片到好簿嗰啲，每粒開半，厚身大大粒；大赤蝦非常鮮味，夠大隻。🍽️壽司、手卷、燒物、炸物鍾意餐廳嘅壽司唔會太大嚿飯，即使放題嘅壽司飯都係有溫度嘅，唔會凍冰冰。見到比較受歡迎嘅有海膽手卷，好多枱都有嗌。我就最鍾意佢嘅一口蕃薯仔天婦羅、紫心香芋圓同埋燒菠蘿，燒得剛剛好。🍽️自助區自助區又唔小嘅熟食，例如海蝦、章魚燒等，食到好飽想食少少水果同蔬菜，自助區都有唔少選擇。🍽️飲品、甜品除咗有各類嘅茶類、汽水、啤酒之外，餐廳仲有任飲嘅清酒同梅酒。另外餐廳亦好貼心，設有熱飲櫃，令要戒飲凍飲嘅人士都多好多選擇。甜品有雪糕、雪條、奶凍、蛋糕豆腐花等，應有盡有。