🌟車仔麵
今次同朋友一人叫咗一碗3餸車仔麵，朋友揀咗沙嗲汁配豬頸肉、豬紅、生菜、油麵，我就揀咗咖哩汁配魚肉春卷、豬皮、蘿蔔、幼麵，兩款都有加辣醬，令個湯底好香蒜蓉味，而咖哩汁相對較辣，但食落幾過癮
啲配料樣樣都唔錯，而特別一提係豬紅同蘿蔔炆得好淋好入味，蘿蔔再索到啲咖喱汁更加惹味
🌟秘製辣魷魚
魷魚爽口，面頭有芝麻醬同芝麻，帶少少辣味
🌟爆漿阿華田西多士
呢個係招牌菜，餡料可以揀花生醬或者朱古力榛子醬，我就揀番食開嘅花生醬，西多士除咗炸得幾好之外，面頭海量嘅阿華田粉同埋切開爆哂出黎嘅阿華田真係好吸引，味道亦都好正，所以一定要黎試呢個！
