一杯鐵板燒居酒屋 (已結業)

想食日本野，但一樓個d 好多都要排隊又多人又逼所以落黎一杯食～晚市都有唔同set 揀因為友人成日黎食，已經知道有咩好食所以就單點先食個一杯沙律大塊個d 係白飯魚，炸到好薄身好香脆仲好濃魚味，再加埋d 櫻花蝦碎兩種唔同既海鮮味同口感，配埋d 菜有多種層次個汁酸酸地又夠開胃，好岩做頭盤依個白目魚友人大推～～可以卷埋中間d 配菜一齊食，魚味淡淡地比較清隻汁係胡麻酸汁甘，好夾～隻味係出面比較少食到，所以好有驚喜有六款刺身，由淡味食到濃味帶子，蝦，白目魚，吞拿魚，海膽等等全部都好新鮮，而且口感爽口彈牙解凍處理做得好好海膽好濃味，好正～～～包埋紫菜又另一食法依度係居酒屋梗係要叫下燒物叫左個鹿兒島和牛燒， 和牛入口即溶夠牛味，以為入面夾住d 蔥會令到口味偏重點知佢d 蔥味唔係好勁，反而係增加個口感多d第一次食關西燒，有山芋同蛋蛋份量幾重下，再加埋燒汁同沙律汁好飽肚添最後飲埋碗湯清清個口上既方式好特別，擺係個茶壺到自己倒d 湯落茶杯，再夾番d 配料甘湯底夠哂清，配料又夠多兩個人真係食到勁飽，而且食物質素都好高！！！