牡蠣酒場 (已結業)

已經係第二次去呢間餐廳食，果然冇令我失望🤩🤩🤩阿哥仔服務態度好好，同上次一樣，一到店舖的時候，就會講解今日有啲咩生蠔，同埋有邊啲值得推介食😋😋今次有幸可以試到唔係成日返貨嘅岩手小友🦪🦪 嘩今次真係不得了，講真，上次食令和之怪物都覺得佢好大隻，今次呢個簡直就係巨無霸size，我隻手都算大，但係佢大過我隻手🤪🤪🤪未食已經興奮😍因為我比較喜歡食爽口同埋海水味重，而呢一隻就啱晒我，一隻好要分三啖先食得晒，爽口，鮮甜，海水味重，食到幸福嘅感覺😌😌😌另外，例牌嗌埋佢碗蠔拉麵🦪🦪講真，呢碗麵真心抵食， 性價比高， 蠔都有五隻，肥美 ，湯底，鮮甜🍜🍜一個字，正🥰🥰如果有機會，下次一定再同朋友嚟🫶🏻