咯咯雞韓食店 (亞士厘道) (已結業)

以前喺大角咀街坊嘅時候～ 已經幫襯外賣呢隻咯咯雞～ 可惜之後結業了..而家喺尖沙咀返工，梗係要坐定定喺度回味下佢嘅招牌炸雞啦！今日收工就同朋友過嚟一齊叫雞😜呢邊店面面積當然比外賣店大好多，裝潢以工業風sharp醒黃色為主~ 最正係呢度嘅slogan 「我真係好撚鍾意炸雞」大大隻LED字喺天花板～打開Menu～ 除咗炸雞都有好多嘢食喎，例如係鐵板類、部隊鍋、紫菜包飯等等～ 今次我就特別想食煎餅，另外我哋嗌多份炸雞，原來已經好夠飽😛🐔韓式甜辣炸雞韓式甜辣醬絕對係我鍾意嘅口味之一，夠晒惹味開胃～ 炸雞外脆內嫩，半份都差唔多有七件左右，大件抵食！🦑🍤海鮮煎餅 （加芝士）呢個芝士真係唔野少，一上枱勁香！見佢用咗雙式芝士，應該係mozzarella同cheddar~ 😍超澎湃嘅拉絲效果！ 煎餅內的餡料都幾多ga, 例如有蝦、魷魚等~ 熱辣辣好味呀!🍹黑白是良知 （Oreo沙冰）唔會太甜、曲奇味夠濃郁❣️做人最緊要好似呢杯飲品個名咁！😌建議約多d朋友仔一齊嚟~ 咁就可以試多啲唔同款式嘅嘢食啦!! 留意返晚上繁忙時間用餐90分鐘啊！