鐵匠 (已結業)

裝修後的匠沒有甚麼特別，今晚Boxing Day，去試下，睇下水準有無改變。頭盤選左蟹子沙律，味道清新料足，掂！當然唔少得必食ge 匠卷，塊三文魚越黎越薄，但總算材料足，收貨！個仔叫個匠海鮮拉面，好足料，大隻蝦，又有扇貝，加七味粉，一流！我叫左個秋刀魚加八蚊，有面豉湯同飯，條秋刀魚非常肥大，非常好食。另外，要多個北海道拉面俾老婆，多春魚天婦羅，埋單$275，比想像中便宜！匠係淘大十幾年，第D食肆摺左唔少，佢仲依然存在，證明足料好食係一定有人欣賞！