一杯屋 (已結業)

上次食完之後有優惠券，呢日去開呢頭就順便食個晏先開工xpp呢日咁凍唔想食生冷野，記得上次朋友個鰻魚飯都好吸引，今次於trytry先！！而同行飯腳就要左個特上刺身定食~~同上次一樣，每份定食都包有漬物、沙律、蒸蛋同湯品：）等左5-10分鐘左右，我地既定食到先後到場啦呢日既漬物係南瓜，香甜又粉糯！蒸蛋嫩滑富蛋香~~肥嫩既鰻魚有大半條架！！！因為用炭火燒，所以食落特別香~~而且食曬全份都無乜細骨，難怪上次朋友會邊食邊讚啦xpp食完飲埋碗熱湯，成個人即刻暖晒，正！飯腳既刺身定食望落都好豐富啵~~佢仲大讚個海膽好鮮甜添！！！等我下次有機會都試下先