紅伶飯店

营业中

休息中

朋友生日，想揾间地啲嘅中菜，大啖菜大啖酒开心放松吹下水嘅地方，于是拣左嚟红伶，佢重开左喺油麻地之后其实都系嚟过一次，之前太多人潮圣一位难求，今次都订早少少，坐低无几耐都已经全场爆满喇。 佢可以扫 QR 落单，亦都可以叫楼面同事写菜，其中一样钟意呢度嘅野就系佢地啲楼面同事，几位都好nice有讲有笑几识搞气氛。今次叫嘅大部都系好常食打冷送酒菜，先嚟左个鹅片，几好食唔会太肥；然后乳鸽肉地差啲，味道都好稳阵；卤水拼盘，拣左墨鱼，大肠同鹅肠，两个肠好食，大肠少膻但我钟意，鹅肠爽口又唔会好碎。椒盐九肚鱼出色，好够镬气入面唔会好水，亦好够味；豆豉鲮鱼油麦菜，唔错，啲菜唔会搞到好腍，仲系爽口，黄金鸡软骨，惊喜，好够镬气好黄金好脆口，食晒成碟就腬左啲啲，但好食最后食埋佢个 潮州反沙芋，佢有两款，一系「传统推沙」一系「红伶焦糖」，咁试下「红伶焦糖」啰，卖相就明显好唔同，无咁多「沙」，佢啲焦糖会结左一大块咬落有啲脆脆地又几得意，无传统果款咁甜，但系就无左本身成口「沙」果种丰富感。