登堂 (已結業)

同朋友2人係觀塘行街，拎住大大小小嘅戰利品，極需要搵間餐廳休息同食飯。觀塘出名多野食，餐廳選擇好多，不過apm果邊餐廳嘅人流非常多，等位時間長，咁不如行多兩步，去The Wave食登堂，餐廳又大，坐得舒服，食物又有質素。登堂而家設有半自助餐區，有沙律、刺身、香港地道小食（餃子、小籠包、滷水雞翼尖、咖喱魚蛋、）、炸物（咖喱角、春卷、XO醬蘿蔔糕）、同埋東南亞熱食（生菜包）、仲有唔同種類嘅甜品（日本焙茶蛋糕、士多啤梨蛋糕最好食）等等，可以滿足唔同人仕嘅胃口！➺➺香煎蘇格蘭三文魚柳$328三文魚柳外皮煎得好香脆，魚柳亦好厚身，啖啖肉。另外加咗三文魚子做點綴，同魚柳一齊食口感豐富➺➺美國特級威靈頓牛柳$498五成熟威靈頓牛柳焗到啱啱好，外面酥皮鬆脆，內裏牛柳肉質軟淋，而且野菌汁味道唔會太濃，同牛柳配合得恰到好處。兩個主餐嘅價錢已經包埋半自助餐