影片
更多
2022-08-03
82 浏览
星期六的中午，突然落起大雨，即刻諗下去邊度食野順便可以坐下嘅，不如就去返上次食過的Tribes，地方大環境靚，仲冷氣十足。時間尚早唔多客人喎，揀左張四人枱坐，貪呢個位夠光猛。店員好快送上水及餐牌，今次換左做樽裝水。之後又送上印式醬汁，個人好喜歡呢個青瓜乳酪醬，夠晒清新。🍽️Onion Bhaji非常香口的小食，似係洋蔥、薯仔、豆蓉等材料壓成一個個球狀，外脆內邊軟綿綿，點一下乳酪醬就perfect。🍽️Dum-Pukht睇名真係唔知係咩菜，好彩旁邊寫住Lamb shank，我同朋友都鍾意食羊，就叫呢樣先。羊膝一碟有兩件，炆得十分軟腍，基本上用少少力已經可以骨肉分離，羊肉嫩滑香口，調味有黑胡椒同薑等，令到羊膝一啲酥味都無，但仲有羊肉嘅香味，好正。🍽️Kandhari Naan平時都係食開原味naan或者garlic naan，今次試下新口味，但其實kandhari即係咩味呢，食落好似原味？但真係超級大塊，煙韌有咬口，唔好理佢係咩口味，總之就係好味啦。🍽️Masala Chai Pot最後仲叫左熱印式奶茶，一個茶壺上，兩個人分都有一人兩杯㗎，茶底香滑，鍾意佢有啲香料香味，飲完暖笠笠好舒服，完美的一餐
時間尚早唔多客人喎，揀左張四人枱坐，貪呢個位夠光猛。
店員好快送上水及餐牌，今次換左做樽裝水。
之後又送上印式醬汁，個人好喜歡呢個青瓜乳酪醬，夠晒清新。
🍽️Onion Bhaji
非常香口的小食，似係洋蔥、薯仔、豆蓉等材料壓成一個個球狀，外脆內邊軟綿綿，點一下乳酪醬就perfect。
🍽️Dum-Pukht
睇名真係唔知係咩菜，好彩旁邊寫住Lamb shank，我同朋友都鍾意食羊，就叫呢樣先。羊膝一碟有兩件，炆得十分軟腍，基本上用少少力已經可以骨肉分離，羊肉嫩滑香口，調味有黑胡椒同薑等，令到羊膝一啲酥味都無，但仲有羊肉嘅香味，好正。
🍽️Kandhari Naan
平時都係食開原味naan或者garlic naan，今次試下新口味，但其實kandhari即係咩味呢，食落好似原味？但真係超級大塊，煙韌有咬口，唔好理佢係咩口味，總之就係好味啦。
🍽️Masala Chai Pot
最後仲叫左熱印式奶茶，一個茶壺上，兩個人分都有一人兩杯㗎，茶底香滑，鍾意佢有啲香料香味，飲完暖笠笠好舒服，完美的一餐。
坐下傾下偈享受周末，唔覺唔覺原來已經好多客人，樓上舖一樣都好受歡迎喎。
张贴
