嵐橋丼飯專門店 (已結業)

第一次去嵐橋已經覺得佢地居酒居做得幾出色，知道地下同樓上唔同，主做丼飯，絕對有理由再去。地下地方冇樓上咁大，食物都主打丼飯，亦有串燒及天婦羅等其他選擇。真味海鮮丼 $228賣點係有多款刺身，包括北海道帆立貝、磯煮鮑魚、活赤貝、中拖羅、油甘魚、鯛魚、甘蝦、松葉蟹肉同三文魚籽，豐富又吸引的賣相，再配稍作調味的赤醋飯，味道唔錯。鯛魚二重魚生丼 $198金目鯛同真鯛，雙鯛享受，仲有大大隻日本牡丹蝦，帆立貝，蔥花拖羅魚蓉同三文魚籽，色彩鮮艷，同樣配赤醋飯，成碗清晒。免治雞肉串免治雞肉串蘸蛋漿，香滑美味。牛舌三大件，爽口又juicy。