茶餐廳2.0 (已結業)

今日同沈大師食飯，商談一下幾億嘅生意，經過呢一間野，我再同沈大師講我喺黃大仙食過都幾好，難得馬鞍山沈大師，話唔介意咁就試吓啦。我哋兩個就叫咗扒餐，講真～咁嘅價錢，都冇投訴啦。幾得意係，佢嗰個凍飲，係好似大嘅熱飲杯出！都幾特別。重點唔在於主餐，我同美食天使Angel講過，佢即刻馬上話俾我聽呢一間野最好食係甜品，我就覺得奇怪都唔係甜品鋪，甜品有咩好食？後尾我就食完正餐傾完生意，就叫甜品食，佢嗰個雞蛋仔甜品非常好，啱晒我嘅性格，因為可以材料自由添加，如果唔想諗亦都有固定嘅，我就係雞蛋仔加雪糕加朱古力加魔芋加藍莓，唔知仲有冇加其他唔記得，沈大師就唔想諗就叫咗「香蕉味」！講真非常值得一試，Share又得，一人食一碟都唔係好溜，好食，一定冇介紹錯！