更多
2020-06-03
393 浏览
好少會同朋友係上水食飯,因為好食既餐廳唔多。每次上水食飯第一時間諗起一定係孖寶小館好食之餘又坐得舒服。今次決定叫啲之前冇食過既菜,就係西班牙黑毛豬架、吉列豬排漢堡、香煎牛脷。餐湯甘筍南瓜湯配蒜蓉包,湯好creamy👍🏻以為個吉列豬扒漢堡一定會將塊豬扒用好多麵粉炸,但好驚喜咁發現完全唔係。豬扒食落唔韌而且juicy,配搭埋芝士、蕃茄、生菜、洋蔥,配上咁多蔬菜,炸起炸豬扒唔會覺得好膩。佢地個薯條我更加係每次都讚不絕口,新鮮炸起絕不欺場。西班牙黑毛豬架:本身對佢唔算高期望,可能咁樣反而有驚喜,因為佢塊豬扒好厚,第一眼感覺好韌,但食落完全唔係嗰回事,有咬口得嚟都保持嫩滑。宜佢個薯仔焗過,加左少少鹽更加惹味,食到停唔到口。香煎牛脷: 同燒牛舌唔同,呢個厚切牛脷好腍,似慢煮過,再將表而煎到焦脆,十分出色!店舖貼心地為每張枱提供酒精搓手液,又拉起隔板間格開每天枱,令食客食得安心又放心。今次又多左一個原因令我更加中意佢地。
每次上水食飯第一時間諗起一定係孖寶小館好食之餘又坐得舒服。
今次決定叫啲之前冇食過既菜,就係西班牙黑毛豬架、吉列豬排漢堡、香煎牛脷。
餐湯甘筍南瓜湯配蒜蓉包,湯好creamy👍🏻
以為個吉列豬扒漢堡一定會將塊豬扒用好多麵粉炸,但好驚喜咁發現完全唔係。豬扒食落唔韌而且juicy,配搭埋芝士、蕃茄、生菜、洋蔥,配上咁多蔬菜,炸起炸豬扒唔會覺得好膩。佢地個薯條我更加係每次都讚不絕口,新鮮炸起絕不欺場。
西班牙黑毛豬架:本身對佢唔算高期望,可能咁樣反而有驚喜,因為佢塊豬扒好厚,第一眼感覺好韌,但食落完全唔係嗰回事,有咬口得嚟都保持嫩滑。宜佢個薯仔焗過,加左少少鹽更加惹味,食到停唔到口。
香煎牛脷: 同燒牛舌唔同,呢個厚切牛脷好腍,似慢煮過,再將表而煎到焦脆,十分出色!
店舖貼心地為每張枱提供酒精搓手液,又拉起隔板間格開每天枱,令食客食得安心又放心。今次又多左一個原因令我更加中意佢地。
张贴