利寶閣 (已結業)

上次和屋企人食過奧海城間利寶閣，好懷念佢個谷飼豚肉叉燒飯！尋日同媽媽黎左上環，發現原來無限極廣場都有間利寶閣。我地就即刻決定係到食午餐谷飼豚肉叉燒飯配豐料老火湯套餐叉燒好嫩，配上太陽蛋和鼓油撈飯，同上次係奧運間分店一樣正！份量仲好足添。$68真心抵。連媽媽都讚不絕口。我地另外仲叫左幾款未試過的點心一齊share荔蓉蜂巢帶子聽落好特別，味道亦十分驚喜。講真真係未食過咁樣烹調帶子的方式，口感好豐富。竹炭流沙包中間有熱辣辣的流沙涌出黎，超好味！瑶柱灌湯餃冬天的好選擇。因為天氣凍所以就冇叫平時叫開的蝦餃，試下呢款灌湯餃。湯汁好鮮，食落肚好暖胃。整體都好滿意