八方庭

一個月前公司一齊食飯就係食咗呢一間酒樓，所以就認識咗啦！前兩日就帶埋屋企人一齊再食多次。

得三個人嘅關係所以淨係叫咗四個小菜嚟食！

蜜汁脆薯牛仔粒平時大排檔會食嘅小菜，今次喺酒樓食別有一番風味。薯仔係外脆內軟，牛肉粒黑胡椒味都偏重，酒樓嘅水準已經很好了！蝦球豆腐蒸水蛋，豆腐上面有蝦球，開頭上面好似仲有XO醬，所以成個感覺就味道幾豐富，咁多樣小菜係最清淡！八方庭小炒皇，純粹係想叫一個蔬菜就叫咗呢個，應該係韭菜花，冇太大嘅特別但係都幾好食！七味豆腐每次去酒樓都要食嘅七味豆腐，豆腐每一粒都整得好脆口，外脆內軟係會食唔停口！