影片
更多
2018-02-05
8602 浏览
平日放假做咩好，為食嘅我當然要相約朋友出去周圍覓食喇。同朋友商量後，決定再去食K11 Hyatt酒店嘅自助午餐，猶記得大學畢業後第一年同朋友聚會都揀呢間餐廳，因為甜品確實好味!!!平日客人唔算多，可以有機會坐窗邊卡位，好開揚，都唔錯!!燒味檔當然要食，同師傅點左燒鵝髀，叉燒同燒腩仔，記得佢地燒味都幾好味架!!燒鵝髀得返上身，唯有食小髀喇，皮嘅油脂，好正好邪惡呀! 燒腩仔肥肉層層分明，皮好脆口。另外叉燒唔算肥，肉質唔鞋，都唔錯。有好多凍海鮮，有凍蟹，翡翠螺，青口等等，太懶惰喇，唔食蟹。熱盤款式選擇都多元化，有中西印日式。冷盤食左都唔少，砵酒鴨肝味道濃郁，連同多士一齊食，好味。柚子沙律好清新而且柚子甜。西式有得點牛扒即燒，炭燒味濃，燒到五成熟，有肉味，而且唔韌。印度蒜蓉薄餅加咖哩都正宗，有個印度廚師喺度整!!Parma ham切得大方，會切一盤喺度由你拎，而且有哈蜜瓜同蜜瓜可配。Parma ham咸香加哈蜜瓜嘅香甜，真係好夾，encore左幾件。甜品當然唔可以錯過喇，佢地甜品選擇好多，而且佢地嘅切餅係放喺櫃入面，有專人夾俾你，值得一讚!!!蛋糕細細可以試多啲唔同款! Opera層次多，口感
平日客人唔算多，可以有機會坐窗邊卡位，好開揚，都唔錯!!
燒味檔當然要食，同師傅點左燒鵝髀，叉燒同燒腩仔，記得佢地燒味都幾好味架!!
燒鵝髀得返上身，唯有食小髀喇，皮嘅油脂，好正好邪惡呀! 燒腩仔肥肉層層分明，皮好脆口。另外叉燒唔算肥，肉質唔鞋，都唔錯。
有好多凍海鮮，有凍蟹，翡翠螺，青口等等，太懶惰喇，唔食蟹。
熱盤款式選擇都多元化，有中西印日式。
冷盤食左都唔少，砵酒鴨肝味道濃郁，連同多士一齊食，好味。柚子沙律好清新而且柚子甜。
西式有得點牛扒即燒，炭燒味濃，燒到五成熟，有肉味，而且唔韌。印度蒜蓉薄餅加咖哩都正宗，有個印度廚師喺度整!!
Parma ham切得大方，會切一盤喺度由你拎，而且有哈蜜瓜同蜜瓜可配。Parma ham咸香加哈蜜瓜嘅香甜，真係好夾，encore左幾件。
甜品當然唔可以錯過喇，佢地甜品選擇好多，而且佢地嘅切餅係放喺櫃入面，有專人夾俾你，值得一讚!!!
蛋糕細細可以試多啲唔同款! Opera層次多，口感豐富。朱古力mousse唔會過甜，有少少苦味，mousse幼滑。最愛係吉士拿破崙，酥皮好酥脆，吉士幼滑，味道啱啱好，可惜太飽，食唔到多一件。
餐飲可以選擇唔同熱茶，揀左日本綠茶消消濟，綠茶一壺上，可以自己慢慢飲。
Hyatt自助午餐都唔錯，款式選擇多，雖然食力已經比以前少左好多，但都值得黎食同回憶下的!!
张贴
