尖沙咀凱悅酒店咖啡廳

整晚只有一隻乳豬，三隻片皮鴨（睇唔清兩隻定三隻）。唔想好似餓鬼咁搶，乖乖等，結果兩樣未排到我已經冇晒。去飲一枱12人都有隻乳豬啦，當每位客人只可以食一片，成晚都唔應該得一隻乳豬！大家都係俾咁多錢，豬骨都冇塊，而且我特別鍾意食乳豬，所以失望感更加放大。吞拿魚刺身只係赤身，仲要唔新鮮。廣告又話即劏嘅？！其實再嚟食，真係因為睇咗YouTube介紹，滿心期待訂位，點知⋯⋯唉😮‍💨早幾年都嚟過唔錯，但今次同新朋友嚟，感覺好差，令我難堪同失望。