玖五牛肉麵 (已結業)

再次到訪何家靚女千金開嘅玖五牛肉麵。除咗必食嘅牛肉麵之外,依家仲新推出左台式滷肉飯系列,鍾意台灣腸嘅朋友仔一定要食台灣腸滷肉飯,用左台灣地道香腸配上香而不油膩嘅台式滷肉。消暑清涼小食之選,溏心效果嘅皮蛋配上滑嘟嘟豆腐,淋上台式醬汁,風味十足。豬血糕融合左豬血同糯米,口感煙靱紮實但完全冇腥味,係我每次去台灣必食嘅小食。 甜不辣煙煙韌韌嘅口感係促使我每次黎到都忍唔住要食。聽聞係何家千金親自調配嘅飲品所以就一於試下,奶味較為突出。