影片
更多
2023-02-01
198 浏览
好耐無食燒肉，燒肉癮又起。突然荃灣有間安平燒肉，之前係旺角食過一次，覺得好高素，所以今次同埋女朋友一齊去試下荃灣店。入到去好靚，空間感好大，職員會帶位同埋介紹你不同既套餐既分別，特色既食物同醬料既用法，服務一流。我地叫左「澳洲M5和牛120分鐘食到飽」套餐。🔹🔸🔹🔸🔹🔸🔹🔸🔹🔸🔹「澳洲M5和牛120分鐘食到飽」套餐依個套餐主打既係「澳洲M5和牛」同「安格斯牛小排」，仲會每人會送兩件「牛舌芯」。🔹🔸🔹🔸🔹🔸🔹🔸🔹🔸🔹重點推介牛舌芯比較爽口Q彈，牛味夠晒濃烈，比平時食到既普通牛舌好食好多。澳洲M5和牛雪花平均分佈，真係非一般既高質，肉嫩多汁，入口即化超好食。安格斯牛小排油香感十足，牛脂感滿滿，但就冇M5和牛嫩滑。安格斯牛板腱牛味突出，肉嫩Q彈，有咬口得黎，又唔會好韌，好得!!美國SRF極黑牛 紋理好靚，牛味濃郁，肉質又嫩又軟，好好食~🔹🔸🔹🔸🔹🔸🔹🔸🔹🔸🔹其他推介帆立貝大大粒，好乾淨，連埋牛油一齊燒，又香又鮮，啖啖肉超正。🐟屏東燒魚腹 魚肉好嫩滑，入口就溶化，燒完熱辣辣，食落勁香魚味😍雞泡魚乾放喺網上面烤一烤，點一點蛋黃醬，好好味。但係烤既時候要睇實，唔覺意就好易燒燶，所以好考功夫。🔹🔸🔹
🔹🔸🔹🔸🔹🔸🔹🔸🔹🔸🔹
「澳洲M5和牛120分鐘食到飽」套餐依個套餐主打既係「澳洲M5和牛」同「安格斯牛小排」，仲會每人會送兩件「牛舌芯」。
🔹🔸🔹🔸🔹🔸🔹🔸🔹🔸🔹
重點推介
牛舌芯
比較爽口Q彈，牛味夠晒濃烈，比平時食到既普通牛舌好食好多。
澳洲M5和牛
雪花平均分佈，真係非一般既高質，肉嫩多汁，入口即化超好食。
安格斯牛小排
油香感十足，牛脂感滿滿，但就冇M5和牛嫩滑。
安格斯牛板腱
牛味突出，肉嫩Q彈，有咬口得黎，又唔會好韌，好得!!
美國SRF極黑牛
紋理好靚，牛味濃郁，肉質又嫩又軟，好好食~
🔹🔸🔹🔸🔹🔸🔹🔸🔹🔸🔹
其他推介
帆立貝
大大粒，好乾淨，連埋牛油一齊燒，又香又鮮，啖啖肉超正。
🐟屏東燒魚腹
魚肉好嫩滑，入口就溶化，燒完熱辣辣，食落勁香魚味😍
雞泡魚乾
放喺網上面烤一烤，點一點蛋黃醬，好好味。但係烤既時候要睇實，唔覺意就好易燒燶，所以好考功夫。
🔹🔸🔹🔸🔹🔸🔹🔸🔹🔸🔹
醬料
醬料有好多唔同既選擇︰辣椒醬🌶️、安平黃金醬、玫瑰岩鹽🧂、特調醬油、檸檬汁🍋
我個人最鐘意黃金醬，有少少麻醬味，味道清新，配埋肥牛食唔會好油，可以食多幾舊，哈哈。
🔹🔸🔹🔸🔹🔸🔹🔸🔹🔸🔹
櫻花蝦拌飯
自助區可以自己動手撈飯，牆上有教學一步一步驟教你將白飯、香蔥、櫻花蝦、醬油同海苔拌埋一齊食，我仲自己加左少少蒜片同埋M5和牛入去一齊撈，超香超好食，食完岩岩好飽，夠晒滿足。
🔹🔸🔹🔸🔹🔸🔹🔸🔹🔸🔹
甜品
最後，可以自選甜品，我地揀左安平仙草芋圓同埋夏威夷果仁味既Haagen- Dazs 杯裝雪糕。安平仙草芋圓唔會話好大碗，用黎做餐後甜品岩岩好。材料好豐富，芋圓夠煙韌、仙草夠滑溜、紅豆唔會太甜，最岩share黎食!
🔹🔸🔹🔸🔹🔸🔹🔸🔹🔸🔹
總結︰除左燒肉好高質之外，亦都超多台式小食，好好食，真係食到飽。餐廳既裝潢亦都好靚，坐位空間大，成個環境都好好。抽氣系統亦都好好，完全冇油煙味，可以專心享受美食。係超高質既台式烤肉放題，十分推薦!!!!
❤️💛❤️💛❤️💛❤️💛❤️💛❤️
张贴
