滾喜火鍋專門店 (已結業)

第二次嚟滾喜 見佢今次轉咗做任食 就一定一定要再嚟了第一次食過個芝士雞煲同佢啲牛肉 已經深深吸引住 聽到佢轉咗做任食 當然要嚟喇！同上次一樣 嗌咗個芝士雞煲 因為實在太出色 芝士味好香濃 最重要睇到拉絲果下 即刻心心眼😍😍雞煲同上次一樣出色 唔會話轉咗做任食就失色 抵讚！👍🏻👍🏻今次食咗第二個價錢嘅牛 不得了 好香好好好好味 價錢又唔貴 絕對食得過另一個必食之選係鹹蛋魚皮 新鮮熱辣辣整出嚟 一睇個賣相已經流哂口水 酥脆嘅魚皮由香濃嘅鹹蛋黃包住 超級一流 就咁食已經好好食 浸一浸湯食都得 正！最後不得不讚嘅係 服務一流 笑容好足 好少會見到有個滿面笑容嘅員工喇