香港大學校友會

营业中

休息中

這裡開始會員制後，便沒有再來了，今次有朋友約食飯，又想起這裡好味的名菜，當然立刻決定再來啦！環境比之前靚了很多，而且也高級了不少，入門口的位置也改了比較對著電梯。食物實在太多，只想說幾個印象比較深的菜式，包括：杏汁白肺湯、椒鹽鮮魷、八珍扒鴨和蝦多士。杏汁白肺湯- 味道比陸羽的淡口，但也很香杏仁味，雖然淡口但感覺更像湯一點(陸羽的比較濃，感覺有點像飲糖水似的)，喜歡濃味或淡味，真是每個人的喜好不同。豬肺份量唔多，每人只份到一小份，實在可惜；豬肺洗得好乾淨，完全沒有怪味，而且入口非常滑口，真係唔錯。椒鹽鮮魷- 炸得好香脆，味道控制也好出色，不用幾分鐘，便來個碟底向天了。八珍扒鴨- 材料豐富，鴨肉入味又夠淋，實在是意想不到的出色，只是個太濃，有點美中不足。蝦多士- 多士炸得好脆，蝦肉味道就一般，但食過後唔會好油，幾出色；但自已還是比較喜歡鳳城的蝦多士多一點。價錢比想象中平，食物水準也可以保持，只可惜幾個要預訂的菜式沒有貨，不能再次賞試得到，有點可惜吧！最後多謝朋友搞這次飯聚，努心努力實在不可多得。謝謝！