Trois Cafe (已結業)

第一次約個朋友出街唔知食咩好，之前食過呢間覺得好好味 就帶左佢黎，結果佢都話好滿意！🤣我地今次就order左龍蝦拿破崙🤤d龍蝦好爽甜同牛油果好夾 ，拿破崙係一如既往咁香牛油味！跟住叫多個生煎小籠包 都好驚喜，因為佢有埋d忌廉汁 好味又fancy😏睇落好矜貴～主食我地就揀左大啡菇黑松露白酒扁意粉同龍蝦大蝦扁意粉🥰，呢到完全係cafe價錢，高級餐廳quality，個黑松露味又夠濃🥺，龍蝦大蝦又夠新鮮☺️，抵食又得體👏。最後甜品叫左檸檬潛水艇🤩，清新得黎又d cream又好絲滑，酸酸甜甜，冇得頂。☺️呢餐飯cp值真係好高，會再黎多幾次～再帶多d朋友黎嘆下！