荳子 (新城市中央廣場)

今次係三個月內第二次再來這間餐廳，總結，值得值得，會再光臨。


今次下午茶時段，叫咗一個午餐及一個下午茶。叫咗黑松露軟殼蟹意大利粉+凍美式咖啡，窩夫-熱帶果園（荳子窩夫. 芒果.芒果蓉.熱帶水果.白朱古力忌廉）+凍檸檬蜂蜜。凍飲好快送上，凍咖啡，正正常常，凍檸檬蜂蜜叫咗少甜恰到好處，加咗香草葉，好fresh 。意粉送上時，首先聞到軟殼蟹好香，黑松露醬意粉食上一啖，熱辣辣，醬汁恰好適中，好味，滿足。窩夫賣相有驚喜，好美，食落亦好好。


入餐廳時可以試吓不同味道的潔手液，可以潔清雙手才進食。最窩心係食到差唔多完時，侍應哥哥送上打開咗的牙簽盒。

1