麻辣風雲 (已結業)

今晚天氣轉涼🌬，老婆話不如再食麻辣風雲，我話近排食咗好多次酸菜魚，不如食下其他嘢😅。不過老婆話麻辣風雲2月轉咗新Menu📔，咁好啦，就去多次試啦😆。原來麻辣風雲新增咗太極鴛鴦魚🐟和麻辣小龍蝦🦞，老婆二話不說就揀咗鴛鴦魚😅....佢話啱哂啦，佢自己想食酸菜魚，既然我唔想食，就食另一邊嘅水煮魚啦🫠...太極鴛鴦魚 一半水煮魚一半酸菜魚，份量超級多，基本上半鍋嘅份量已經接近平時嘅一鍋🤣🤣。魚肉🐟依舊鮮嫩滑溜，兩邊配菜亦十分豐富。酸菜魚湯底辣酸味道適中又帶有麻香味☺️，至於水煮魚湯底就麻辣味十足🌶，真係各有各特色，各有各好味😋。京葱牛肉牛肉🐂切得很薄，肉質鮮嫩多汁，蔥的香氣加上醬汁的調味，讓人食慾大增🥰。沙薑葱油鴨沙薑的香味十足，鴨肉🦆肥瘦適中，搭配上蔥油的清香，味道更加濃郁🥰。炸饅頭依然無令我失望，饅頭仍舊外脆內軟，熱辣辣🔥非常好味，記得要蘸上煉奶一齊食，因為零舍好食😋。總括而言，再次來訪依舊沒有令我失望，新款菜式太極鴛鴦魚份量又多又好食，等我下次試埋麻辣小龍蝦先🥰。