譚仔三哥米線 (富盛大廈)

营业中

休息中

幾個月無食過譚仔，咁岩要出元朗交電話費，當然要去滿足下啦~雖然係學生放lunch時間，但都未至於好滿座，所以都唔洗等位...初初以為譚仔無咩點變，點知一坐底，咦...個餐牌變左喎，再唔係以前既三角柱體，而係變左張過左膠既餐牌..@@叫完野食同朋友一路傾計一路周圍望咁等，望望下，見到有個呀姐推住架車仔，上面裝左好多一碗碗既米線咦...車仔?又一新玩意，以前只會見到d大力士呀姐一個人拎住3碗大大碗米線行出黎俾d客，而家竟然變左車仔仲有一樣新玩意，就係紅色大桶啦，而家d呀姐會拖住到紅色大桶出黎汁碗...真係夠晒方便，唔洗行幾十轉先汁晒咁多張桌...等左一陣，熱辣辣米線終於到啦，睇落個樣無咩變...首先梗係要試一試個湯先啦，味道同之前無咩分別，讚！然後我一定會食腐皮先，吸左d湯，食落口，完美但係當我去夾腩肉既時候，當堂呆左...呢塊係腩肉?定肥牛呀?咁...薄既...以前既腩肉係厚度岩岩好，半肥瘦，點解而家縮左水架?唉...失望，希望下次去唔會係咁啦...