鴻福海鮮四季火鍋 (已結業)

得9度, 一行十人殺入土瓜灣, 直入鴻福! 未夠7點, 仍不太多人, 仍未好煙~醉雞+沙爹湯底~點了雲吞水餃, 幾款牛肉, 鱔, 一枱的海鮮 for 燒烤.雲吞幾細粒, 但估不到內的蝦都幾大隻. 水餃很不錯.牛肉不太大片, 但啖啖肉, 冇筋 .鱔係切到好簿片, 一般喇.主打其實都係d 海鮮, 全都勁新鮮生猛除了d蜆有d 唔開口, 燒到燶晒都唔閞口, 其他都冇投訴了.服務唔夠人手, 阿姐踢晒腳, 好忙.叫野都要等好耐, 希望下次可以快d喇.