稻香 (已結業)

上次食完無耐，今晚又黎過，原本都諗住食小菜，但男朋友實在太愛打邊爐，所以我地八點左右就攞定飛等。今次都係照舊肥牛無得走，嗌左豬骨湯底，有成三大舊豬骨，個人覺得普通，可能因為無位，我地一早就夾起左，所以無乜味。今次試左蜆，亦都係我寫呢篇食評嘅原因。啲蜆原本黎果時都無乜野，我驚有砂，所以叫男友最後先放。點知，我地食食下，見隻蜆伸左舊肉出黎郁郁下，先知係新鮮蜆😆睇圖就知😝真係無得輸。因為前一個時段打邊爐係逐碟嗌逐碟計錢，所以佢啲食材應該唔會好差。之後任食其實都係同一食材，所以我地覺得抵食好多，又可以叫多幾款。