好時沙嗲

营业中

休息中

我一路都係係理工嗰邊讀書，所以對於好時沙嗲都有好深刻嘅回憶。上次佢執笠嘅時候，因為太多人所以都去唔到食。仲以為已經冇機會再去食添，點知最近知道佢重新開業，所以就叫埋一班人，一齊去食餐勁嘅。我自己個人就叫咗個海南雞飯嚟食啦，結果真係完全冇失望，質素同以前一樣咁好。雞肉非常之嫩滑，而且肉質鮮甜，雞皮亦都唔會有太多油份，係必食之選。佢附送左三種醬汁，我個人就最鍾意食醬油果種，為略帶清淡雞肉帶點鹹味，更加可以引起味覺嘅反應。而且，亦都要讚一讚個油飯，質素同以前差唔多，但係分量明顯多咗好多。油飯最重要就係帶點鹹味得來又唔會食落去後啖啖油，好時沙嗲嘅油飯絕對係當中嘅表表者，可以話食完返唔到轉頭。