影片
更多
2022-09-01
45 浏览
餐廳：令和鍋物酒場 (尖沙咀)地址：尖沙咀厚福街9號豪華閣地下-1樓前幾日見到日本首相宣布會喺9月7號放寬旅遊限制，容許無導遊嘅旅行團入境觀光，本身以為可以Plan吓嚟緊大假去日本自由行🇯🇵，點知原來都喺要以跟團嘅模式喺日本旅行，空歡喜一場🥹，唯有去住香港嘅日式居酒屋懷緬一吓日式美食先啦🏮第二次去尖沙咀厚福街呢間開咗一年幾兩年嘅令和鍋物酒場 @reiwatst ，佢哋有三間分店，主打日式鍋物、壽喜燒同石板燒🥩，仲有各式各樣嘅串燒同魚生🍣，同多款日本進口嘅酒精飲品🍶✝️魔鬼辣椒血池地獄湯 $268令和推出咗多款獨家湯底，龍蝦🦞、豆乳、白雞湯等，今次叫咗個比較多人鍾意嘅魔鬼辣椒血池地獄湯，有大中小辣可以揀🌶，除咗配一份自選肉類之外仲有新鮮蔬菜拼盤🥬、日本豆腐同葛絲。肉類揀咗日本雞肉(300g)，薩摩雞肉無骨之餘就算煮得耐都仲喺好嫩滑，雞味鮮香濃郁🐔，湯底喺用咗魔鬼椒去調辣，加上日式赤麵豉去熬製，辣香惹味吸引，麻辣口感後勁十足，要叫返杯柚子乳酸梳打($28)解吓辣先得😝。另外加咗份活鰻魚($88)，平時食鰻魚都喺用蒲燒嘅方式去整，原來就咁淥熟嚟食幾似平時啲鱔，食落爽口帶有少少軟骨，魚皮煙韌彈牙
地址：尖沙咀厚福街9號豪華閣地下-1樓
前幾日見到日本首相宣布會喺9月7號放寬旅遊限制，容許無導遊嘅旅行團入境觀光，本身以為可以Plan吓嚟緊大假去日本自由行🇯🇵，點知原來都喺要以跟團嘅模式喺日本旅行，空歡喜一場🥹，唯有去住香港嘅日式居酒屋懷緬一吓日式美食先啦🏮
第二次去尖沙咀厚福街呢間開咗一年幾兩年嘅令和鍋物酒場 @reiwatst ，佢哋有三間分店，主打日式鍋物、壽喜燒同石板燒🥩，仲有各式各樣嘅串燒同魚生🍣，同多款日本進口嘅酒精飲品🍶
✝️魔鬼辣椒血池地獄湯 $268
令和推出咗多款獨家湯底，龍蝦🦞、豆乳、白雞湯等，今次叫咗個比較多人鍾意嘅魔鬼辣椒血池地獄湯，有大中小辣可以揀🌶，
除咗配一份自選肉類之外仲有新鮮蔬菜拼盤🥬、日本豆腐同葛絲。
肉類揀咗日本雞肉(300g)，薩摩雞肉無骨之餘就算煮得耐都仲喺好嫩滑，雞味鮮香濃郁🐔，湯底喺用咗魔鬼椒去調辣，加上日式赤麵豉去熬製，辣香惹味吸引，麻辣口感後勁十足，
要叫返杯柚子乳酸梳打($28)解吓辣先得😝。
另外加咗份活鰻魚($88)，平時食鰻魚都喺用蒲燒嘅方式去整，
原來就咁淥熟嚟食幾似平時啲鱔，食落爽口帶有少少軟骨，魚皮煙韌彈牙，好高骨膠原呢🤓
✝️霜降和牛洋蔥沙律 $88
喺沙律菜上面放咗洋蔥絲🧅，側邊有半生熟嘅霜降和牛同車厘茄，最後加上醋汁同芝麻。霜降和牛喺頂級嘅牛肉，
切成一片片約1pm厚，均勻細密嘅油花，加上鮮嫩紅潤嘅色澤，配上濃郁細膩嘅牛肉香，成為唔少人嘅自愛💕，可能比一般薄切霜降牛厚少少嘅關係，食落有別於一般入口即溶嘅感覺，反而喺軟嫩煙韌非常多汁💦，肉味特別出眾
✝️黑松露炒舞茸 $98
令和最近新出嘅日本菌系列食物之一。日本舞茸生長喺深山環境🍄，喺屬於比較少有嘅食藥兩用菇類，營養價值非常高，口感爽脆吸汁，用黑松露同牛油去炒份外惹味🔥，不過個人就覺得濃味咗少少🤏，如果可以撈飯食就一流
✝️空運直送時令刺身拼盤 $168/12切
今日嘅日本空運時令刺身喺三款鯛魚每樣4片，有瞻星鯛、蜜柑鯛同真鯛🐟，全部都喺薄切上碟，肉質甘爽鮮甜，緊實嘅魚肉放入口中爽彈有陣陣鮮魚香，清淡冰涼嘅口感加埋醬油同配料一齊食，鮮味瞬間提升唔少🆙
✝️炙燒左口魚裙邊 $48/6切
左口魚裙邊喺背鰭同臀鰭之間嘅邊邊，喺成條魚最肥美嘅部位，入口肥美即溶，炙燒過將甘甜嘅魚油香逼出嚟，食落有炙燒香之餘左口魚裙邊更加濃郁甘香🤤
张贴
