一杯屋 (已結業)

今晚男友又帶我encore呢間餐廳，上次個餐實在令人回味，我地今次專登黎試佢嘅炭燒極上牛舌，可惜今次又賣曬，同上次一樣得返上等牛舌，因為上次已經試左，今次就留肚試其他野食。上次我地坐bar枱可以睇到師傅即叫即燒，可惜有少少熱，怕熱嘅男友今次要求坐返出面普通枱😂今次叫同上次完全唔一樣嘅野。刺身沙律$98，刺身厚切肥美新鮮，沙律菜爽甜，汁醬酸咪咪，好開胃。山芋好燒$88，呢個似大阪燒，亦差唔多味，不過稀身少少，質感幾特別。我地硬係唔會錯過炭燒串燒啦！雞皮$30，燒到薄脆，一啲都唔油膩，好想要多串，驚太heavy, 所以㨂左雞皮卷露荀$38，包左露荀喺入面，感覺少左好多罪惡感！雞肉丸$36，雞肉結實，入面包左蛋，口感豐富。串燒澳洲和牛$58，牛味濃，可惜燒得熟左少少。串烤鰻魚，我愛嘅蒲燒鰻魚，冇呢味，汁醬濃郁，只係太細件🙈炸生蠔$78，外脆內軟，有鮮味，正！凍烏冬$55，烏冬麵質彈牙煙韌，清淡之選。前菜係麻醬菠菜，每份收返$30。今次又食唔到極上牛舌，希望下次可以食到！