麻辣風雲 (荃碧大廈) (已結業)

#pb食在荃灣 再戰「麻辣風雲」午市🔥之前食過一次麻辣風餐嘅晚市 食物質素唔錯 味道唔會太濃太多味精 酸菜魚夠大盤😋 岩哂成大班朋友聚會🤪 佢全港有3間分店 包哂香港島、九龍、新界 位置夠方便🥰 今次見佢午市推出左秋冬限定新野 於是就再去試多次😍 今次去荃灣店 環境都幾大 而且唔算太逼👍🏻.第一次午市去 估唔到都有幾多選擇😍 有13款客飯選擇 有辣有唔辣😋 價錢$59-$88不等👍🏻 另外仲有自選米線食 $38-$48起🤪🔹砂鍋螺螄粉🍜最新秋冬限定✨ 第一次食螺絲粉 味道真係幾特別🤪 入面除左米線 仲有木耳絲、蘿蔔乾、酸豆角、酸荀等😋 米線好滑 加埋其他配菜超濃味 我覺得有少少鹹 應該比較岩重口味人士👍🏻 另外仲配左新出嘅「炸蛋」感覺就好似走左蠔仔嘅蠔餅咁🤣🔹午市客飯酸菜魚🐟估唔到午市都有酸菜魚食😍 份量當然冇晚市咁多 不過其實都唔少🤪 魚片依然好滑 而且都有好多塊😋 入面仲有好多酸菜、蒿荀、寬粉 仲有個飯配 一個人食哂應該好飽👍🏻🔹麻辣雞翼尖🐥🔹惹味雞軟骨🐥叫左兩款小食🤪 份量都唔少👍🏻 調味做得幾好 味道好惹味 唔會好辣😋🔹花冰蜂蜜綠茶🌼🔹水蜜桃雜果梳打🍑兩杯特飲都幾解渴 岩哂食辣