影片
更多
2010-10-09
51 浏览
响上環做野咁多年，陳勤記既形象都係好街坊，所見既裝修格局，所感受既招呼，以至食物賣相同價格定位，一切一切.......事關老闆 "阿直" 幾十年都以老式經營，多年來都無變化，只係近幾年己少見 "阿直" 揮刀斬鵝已而，畢竟年紀唔細喇！事別幾個月，見舖頭換左醒目新 look ，由頭到尾用上簡約新派中國風，一洗以往陳舊面貌，忍唔住讚 "阿直" 幾句，一向寡言既 "阿直" 只點點頭微笑。難得皮膚白凈既 "阿直" 依然靚仔、精神飽滿，伙計們仍是一張張舊面孔，份外親切！跟以前只得一張雙面過膠餐牌比較，今趟一冊印製整齊既餐牌顯得特別精美。舊有特式菜如西洋菜豬雜湯、凍魚飯，以及廉價街坊粉麵如紫菜四寶粉、沙茶牛河等都有保留住；新增菜式則有蝦棗、蟹棗、仲有魚翅、凍蟹添！ 滷水鵝肉：賣相好靚呀，份量明顯比以前大，鵝皮 "拎立立"，最上面放左一隻鵝肶，好搶眼！一向偏愛連骨既肉，反而啖啖肉既鵝片唔啱我。umm......食味依舊，但細心咀嚼後發現滷水味無以前咁鹹，只從鵝皮淡淡滲至肉既表層，食落覺得味道較側重鵝肉原身既鮮味，同以前偏鹹有明顯分別。另外察覺到鵝肉比以前滑左，我諗食味都係今次改革範疇內，食得健康係大趨
事別幾個月，見舖頭換左醒目新 look ，由頭到尾用上簡約新派中國風，一洗以往陳舊面貌，忍唔住讚 "阿直" 幾句，一向寡言既 "阿直" 只點點頭微笑。難得皮膚白凈既 "阿直" 依然靚仔、精神飽滿，伙計們仍是一張張舊面孔，份外親切！
跟以前只得一張雙面過膠餐牌比較，今趟一冊印製整齊既餐牌顯得特別精美。舊有特式菜如西洋菜豬雜湯、凍魚飯，以及廉價街坊粉麵如紫菜四寶粉、沙茶牛河等都有保留住；新增菜式則有蝦棗、蟹棗、仲有魚翅、凍蟹添！
滷水鵝肉：
賣相好靚呀，份量明顯比以前大，鵝皮 "拎立立"，最上面放左一隻鵝肶，好搶眼！一向偏愛連骨既肉，反而啖啖肉既鵝片唔啱我。umm......食味依舊，但細心咀嚼後發現滷水味無以前咁鹹，只從鵝皮淡淡滲至肉既表層，食落覺得味道較側重鵝肉原身既鮮味，同以前偏鹹有明顯分別。另外察覺到鵝肉比以前滑左，我諗食味都係今次改革範疇內，食得健康係大趨勢，對好既轉變表示讚成。不過凡事要付出代價，好肯定價錢比以前上調了一點點.....還是值得！
韮菜花炒鹹肉：:
賣相有d打完風既感覺，鹹肉試左一塊鹹得要命，最終放棄了。幸好韮菜花味道清甜，好快掃清。但發現碟底一嚿透明漿狀物體，肯定係生粉水打獻時凝固，厨師應該注意一下。
大腸墨魚：
大腸唔係慣常滷得 "淋八八" 個隻，質地富有彈性同具層次感，而且仲保留大量腸味。而家大部份食肆時都會將大腸原味"省" 得七七八八，僅餘既腸味又會用調味掩蓋，所以好難食到大腸果陣獨有既味道。
若以大腸比較，墨魚質感更刺激。墨魚無染上鮮艷既橙色，反而只有淺淺既滷水色，切成較厚身既方塊，細咬一下，墨魚片密度好似將牙吮住，再咬感覺微微彈開；重複咀嚼就好似混集响煙靭與柔軟既鬥爭中，想放開之時又被煙靭鎖住，加上墨魚本身及滷水香味，簡直難捨難離。
chopstick: 潮式撈麵：
呢個係美妙既新嘗試！淥麵大哥親自將麵送到枱上，彷彿叫我細心品嚐！一睇外形與普通麵食無大分別，粗麵上放上肉碎、兩粒魚餃、三粒魚蛋。先將麵條撈一撈，感覺配撘清新可口、非常醒胃，一定係醋同麻醬帶出既微妙化學作用。醋將麻醬調稀，不再漉口但麻香並無被破壞，而醋既酸味將整晚肉類既飽滯一掃而空，愈食愈開胃！
一間老舖既發展，其實係需要好長時間既改變，而改變要付出勇氣同決心，所以覺得陳勤記今次既改變係正面既，既可保留原有舊客，亦因為舖面亮麗而吸引年青朋友去嚐試。"阿直" 我支持您。
张贴
