影片
更多
2015-10-17
337 浏览
我自問都算係木子嘅常客，雖然未至於每個星期都幫襯，但每個月總會光顧一兩次。之前已經發覺佢哋嘅店員全部都換成一班年輕人，其實能夠有多一啲就業機會俾呢班年青人原本係一件好事。但係冇個似樣啲嘅店長喺度睇住佢哋，佢哋嘅服務質素簡直連大排檔都不如。之前已經試過叫刨冰嘅時候，冇問清楚我要乜野口味，硬塞是但一隻口味俾我架喇。當時只怪自己冇講清楚，但係今日發現就算講到好清楚，其實佢哋都係是但俾啲野我~今晚同三個朋友食完晚飯，諗住再去幫襯，叫咗一個抹茶麵線。由於唔想食白色一粒粒嘅粉團(上一次有個夥計同我講呢種野叫小丸子)，於是我就問四眼姐姐可唔可以轉埋透明嗰啲小粒粒，四眼姐姐話如果要轉其他材料嘅話，就要加錢，於是揀咗走小丸子就算喇。跟住佢哋就送上左呢樣野...點睇呢碗野同我平時食開嘅，都係唔同樣。睇返個Menu，都係唔同樣噃？於是，叫咗金魚姐姐過嚟問點解，金魚姐姐望住我碗野，又望住下我遞俾佢睇嘅Menu，O咗咀，好似金魚一樣咁望住我，一句聲都冇出。我只好問佢「其實你係唔係唔明我講乜嘢呀？不如你叫返頭先落單嘅嗰位小姐過嚟吖。」四眼姐姐過到嚟，我同佢講咗個情況，話俾佢知我冇叫呢啲一粒粒嘅芋圓，又問佢啲透明小
之前已經試過叫刨冰嘅時候，冇問清楚我要乜野口味，硬塞是但一隻口味俾我架喇。當時只怪自己冇講清楚，但係今日發現就算講到好清楚，其實佢哋都係是但俾啲野我~
今晚同三個朋友食完晚飯，諗住再去幫襯，叫咗一個抹茶麵線。由於唔想食白色一粒粒嘅粉團(上一次有個夥計同我講呢種野叫小丸子)，於是我就問四眼姐姐可唔可以轉埋透明嗰啲小粒粒，四眼姐姐話如果要轉其他材料嘅話，就要加錢，於是揀咗走小丸子就算喇。跟住佢哋就送上左呢樣野...
點睇呢碗野同我平時食開嘅，都係唔同樣。睇返個Menu，都係唔同樣噃？於是，叫咗金魚姐姐過嚟問點解，金魚姐姐望住我碗野，又望住下我遞俾佢睇嘅Menu，O咗咀，好似金魚一樣咁望住我，一句聲都冇出。我只好問佢「其實你係唔係唔明我講乜嘢呀？不如你叫返頭先落單嘅嗰位小姐過嚟吖。」四眼姐姐過到嚟，我同佢講咗個情況，話俾佢知我冇叫呢啲一粒粒嘅芋圓，又問佢啲透明小粒粒好似冇噃？佢叫我睇吓會唔會喺底下，我匙羹一身伸入去碗野度，佢就轉身走左喇。咁事實就當然係不負眾望咁樣... 冇啦~
見到碗甜品堆滿晒自己唔想食嘅芋圓喺上面，咁就梗係無胃口啦！朋友覺得可惜，於是再叫四眼姐姐過嚟，話俾四眼姐姐聽「真係唔係呢！同幅相真係唔似樣呢！我地唔食呢啲架，定係你void咗張單啦？」四眼姐姐將碗甜品攞走。過咗一陣，又拎左啲野過嚟…
佢話廚房整錯左，而家攞返啲透明丸子俾我地, 同埋我哋今日冇白色嗰啲丸，轉左芋圓。其實我都好欣賞佢係呢一刻嘗試去解決問題，但係亦衍生出另外兩個問題，就係...
1. 佢應該唔係好清楚平時係呢個抹茶麵線入面究竟有啲乜嘢材料，因為呢啲透明丸子同我平時食開嘅根本完全唔同樣~
2. 我叫得嗰種甜品就當然係我想食嘅野啦，你換咗第二種材料落去嗰個甜品度，係唔係都應該話聲我聽呢？或者我會想轉第二個甜品呢？
最後，我哋終於發現，其實佢應該從頭到尾都唔知道我個order係想點做，因為原來由落單嗰一刻就係錯誤嘅開始...
又係上次個夥計親口同我講嗰樣嘢叫小丸子，但係張單上面就寫住係迷你白珍珠，其實佢哋係咪唔係同一樣野呢？最重要係，如果四眼姐姐清楚個食物裏邊有啲乜嘢材料，咁樣冇理由出極都出唔啱我想要嘅甜品囉~
最初食木子，係覺得佢嘅甜品幾特別，價錢又公道，所以先至幫襯。當然，你可以同我講30蚊都唔使食個甜品，仲想點喎？唔緊要，咁我選擇袋返埋個30蚊囉, 因為我唔會用30蚊買一啲自己唔鍾意食嘅嘢囉~
张贴
