影片
更多
2018-08-13
1077 浏览
約咗個舊同事食飯，佢Proposed咗呢間一直都好想試嘅逸之燒。雖然我舊年都食過，不過我舊年就嚟呢度食蟹宴，冇試到其他嘢食，所以呢次嚟都希望試D唔同嘅食物。店鋪係認真唔大，牆上掛著一些日式掛畫，營造出日本居酒屋的感覺。好似我嗰日星期四8點半嚟到已經要坐吧台，所以建議大家一定要訂座。先來我哋order咗兩種刺身，三文魚腩刺身（$80）同埋沖繩赤蝦刺身（$98）三文魚腩一共8小片，銀色的魚腩部位完全係脂肪，入口要一口先係脆脆地，下一秒係舌頭感受到魚油嘅流溢，又香又甘潤。而赤蝦刺身口感鮮嫩，肉甜非常有彈性，其肉質綿密彈牙既程度比甜蝦更甚，蝦頭都千其唔好掉，皆因蝦膏濃郁盡在頭部。食完刺身，嚟碗清酒煮蜆（$72）。湯底是清甜的昆布湯，酒味一啲都唔強烈，好溫和好舒服的味道。而蜆都非常靚，唔可以話好大隻，但隻隻都有肉而且相當飽滿，蜆肉清甜鮮美，是一道非常清新的佳餚。食完啲清淡嘢，要嚟D重口味嘅食物。我們Order了北海道黃金燒帶子（1/ $48）。原隻元貝滿佈金燦燦嘅醬汁，顏色同外面食肆用白汁做底好唔同。用咗少少力先鏟起舊帶子，表示帶子非常新鮮，唔係嗰種循環再用殼然後再冷藏帶子舖面。入口熱辣辣，味道
店鋪係認真唔大，牆上掛著一些日式掛畫，營造出日本居酒屋的感覺。好似我嗰日星期四8點半嚟到已經要坐吧台，所以建議大家一定要訂座。
先來我哋order咗兩種刺身，三文魚腩刺身（$80）
同埋沖繩赤蝦刺身（$98）
三文魚腩一共8小片，銀色的魚腩部位完全係脂肪，入口要一口先係脆脆地，下一秒係舌頭感受到魚油嘅流溢，又香又甘潤。
而赤蝦刺身口感鮮嫩，肉甜非常有彈性，其肉質綿密彈牙既程度比甜蝦更甚，蝦頭都千其唔好掉，皆因蝦膏濃郁盡在頭部。
食完刺身，嚟碗清酒煮蜆（$72）。湯底是清甜的昆布湯，酒味一啲都唔強烈，好溫和好舒服的味道。
而蜆都非常靚，唔可以話好大隻，但隻隻都有肉而且相當飽滿，蜆肉清甜鮮美，是一道非常清新的佳餚。
食完啲清淡嘢，要嚟D重口味嘅食物。我們Order了北海道黃金燒帶子（1/ $48）。原隻元貝滿佈金燦燦嘅醬汁，顏色同外面食肆用白汁做底好唔同。
用咗少少力先鏟起舊帶子，表示帶子非常新鮮，唔係嗰種循環再用殼然後再冷藏帶子舖面。入口熱辣辣，味道嘛，原來啲醬有少少似麥樂雞醬嗰種酸酸甜甜嘅味道，相當開胃，亦冇白汁芝士焗咁膩。
上年食完個蟹宴，一直念念不忘燒蟹腳，所以呢次都order咗半隻燒皇帝蟹（$438）。話就話半隻，但其實足足有一大碟，蟹腳全部經過處理，所以剝得好方便。
成條蟹腳搣出嚟，足足一根手指咁粗。因經過燒製，所以有微微炭火味，但蟹嘅水分係一啲都冇少到。因基本上沒有什麼調味，所以食入口就是單純嘅蟹味，非常鮮甜。
最後Order咗多一個松葉蟹粥（$108），粥係椰菜、胡蘿蔔絲、鮮菇、雞蛋、海苔絲和主角蟹肉組成，係一個清爽嘅主食。
一羹落去，粥粒裏都係絲絲蟹肉。雖然用料係好豐富，不過略嫌調味唔夠，稍微淡咗少少，如果再多少少鹽一定不得了。
一年前記憶中嘅蟹宴記憶尤深，呢日重溫都感受返嗰種大啖大啖嘆蟹肉嘅經歷。味道依然係好正，用料又新鮮，當然唔可以話特別便宜，我地兩個人人均用咗$490左右，但係計返起如果呢餐去日本食新鮮嘅，機票都唔止。
张贴
