影片
更多
2013-12-03
885 浏览
呢晚我地７黠８攞位，本來職員比咗坐係裡面嘅，但感覺有點嘈，所以問可唔可以坐係對住門口個位，呢個位反而較靜，結果職員都給我們坐呢到。其實我係鍾意食日本菜嘅，但呢到反而有點唔知食乜.....我地揀了約10分鐘，最後點選了：① 鬼山地獄拉麵($55)② 季節餐牌：泡菜魷魚咀 ($28)③ 炒野菜 ($36)④ 季節餐牌：山葵魷魚餅 ($28)⑤ 季節餐牌：胡麻地雞大根沙律 ($42)10% Service Charge Total = $208估唔到係＜鬼山地獄拉麵＞率先上枱，湯底好似唔夠辣唔夠地獄噃，而材料有炸雞件、粟米、海帶、蔥花，普通喇。到＜泡菜魷魚咀＞，只有微少泡菜味，不過都幾好𡁻，ＯＫ吖。見到＜炒野菜＞上枱，份量真的好少好細碟，睇落都幾油且又冇乜味添......反而冇乜期望的＜山葵魷魚餅＞又幾好，雖然只係將山葵汁放係魷魚餅上面，不過魷魚餅乾身唔膩質地彈牙，咬到粒粒魷魚，終於有碟好食。＜胡麻地雞大根沙律＞呢個地雞真係好滑，大根爽脆菜新鮮，全餐最抵食好味一定揀佢。 食完呢餐老友請嘅飯，我諗都係冇下次來，除非又係老友想食啦......
其實我係鍾意食日本菜嘅，但呢到反而有點唔知食乜.....我地揀了約10分鐘，最後點選了：
① 鬼山地獄拉麵($55)
② 季節餐牌：泡菜魷魚咀 ($28)
③ 炒野菜 ($36)
④ 季節餐牌：山葵魷魚餅 ($28)
⑤ 季節餐牌：胡麻地雞大根沙律 ($42)
10% Service Charge Total = $208
估唔到係＜鬼山地獄拉麵＞率先上枱，湯底好似唔夠辣唔夠地獄噃，而材料有炸雞件、粟米、海帶、蔥花，普通喇。
到＜泡菜魷魚咀＞，只有微少泡菜味，不過都幾好𡁻，ＯＫ吖。
見到＜炒野菜＞上枱，份量真的好少好細碟，睇落都幾油且又冇乜味添......
反而冇乜期望的＜山葵魷魚餅＞又幾好，雖然只係將山葵汁放係魷魚餅上面，不過魷魚餅乾身唔膩質地彈牙，咬到粒粒魷魚，終於有碟好食。
＜胡麻地雞大根沙律＞呢個地雞真係好滑，大根爽脆菜新鮮，全餐最抵食好味一定揀佢。
食完呢餐老友請嘅飯，我諗都係冇下次來，除非又係老友想食啦......
张贴
