老三火鍋 (已結業)

平時食開旺角老三, 不過今日黎開長沙灣諗唔到食咩, 又去反老地方老三度食。比起旺角店，長沙灣店仲熱鬧，可能係因為元祖店既關係啦。好彩都可以唔洗等直接入座。雖然有好多湯底簡，不過最鍾意都係老鴨湯底。其實老鴨湯底咁受歡迎都係因為佢個湯夠火候，入味得黎，隻鴨仲保持到肉質。今次都唔例外，朋友第一次試都覺得唔錯。個湯味道幾清，用黎打邊爐既話係無用味精湯底咁濃味，不過比起清湯味道就豐富好多。朋友話用呢種湯底打邊爐罪惡感無咁大！配料方面，必叫手切靚肥牛。佢切到細細塊咁，輕輕焯一焯就食得。牛味重，肉質嫩，仲想點？日本黑豚肉, 色水都幾靚, 好新鮮~ 丸拼盆又係次次黎都會叫。最鍾意就係墨魚丸，係新鮮製造，所以又彈牙，又有鮮味。打邊爐黎講，老三價錢唔算好平，但睇下你本身想要咩質素。呢度既湯底值回票價，對食物有D要求既，比多少少黎老三，真係覺得抵。