喜來稀肉 (登龍街)

营业中

休息中

疫症期間都冇損我地搵好野食既心情，呢2個月第2次再黎韓燒燒上隱。不過今次就轉戰銅鑼灣。一如既往，一上枱就有泡菜，酸蘿蔔青瓜同芽菜小食。今次個泡菜好好食，辛辣度略高但食得過隱。酸蘿蔔青瓜就食到開晒胃。生菜任加，幾新鮮，用黎包住燒肉食，無咁熱氣。兩款蛋，泡菜同芝士味，都係任加。今次比較飽所以無加。主肉食今次點左3款，比較偏好食無掩製過既肉，食原汁原味。第一款係牛護心肉。肉質都係夠爽夠彈牙，牛肉味仲好濃郁。但個人較喜歡豬護心。第2款肉類就係豬護心肉，豬味濃郁又夠嫩爽，份量都多。燒過火都唔覺韌。極力推介。第三個肉係未試過既牛肋肉條，肉條就較巧功夫，因為未必控制到每邊都熟。但喜歡吃脆口肉既就必點，外脆內嫩，亦有咬勁。油脂感較重，又香又美味。最後都要叫個吞拿魚石鍋伴飯暖肚，未影相已經忍唔住食。溫泉蛋岩岩好流汁，好多紫菜好又蟹籽，而個底又好多吞拿魚，搞拌後呢個飯無得輸，真係好難唔好食。整體喜來稀肉啲野食，服務真係好高汁，唔怪次開咁多間。