霸王川莊 (已結業)

之前嚟過一次，覺得水煮魚唔錯，因為佢開響形點入面，所以價錢都偏高少少，幾個人一齊食就比較划算。今次叫左酸菜魚，蒜泥白肉等等（我忘記左名稱）。酸菜魚，唔夠酸，只有辣，酸菜好少。蒜泥白肉，外貌同我地知識嘅相差好多，唔夠蒜味，份量好少，唔抵食。炒豆角，醬料惹味！配飯一流！個個勁多辣椒嘅一口牛肉，真係辣椒數量遠遠多過牛肉。咁貴價錢原來係用嚟食辣椒。後來食完先知，我地去嘅前一日原來呢間野因爲食物發霉而上左報紙⋯⋯⋯好在我地食完無肚痛。